Ghal Kollox Hemm Hinu

L-Orizzont 
 
L-ahhar artiklu li ktibt hmistax ilu, hawn min ma ghogbux. Mhux ghax xi hadd seta’ jmeri li ktibt. Izda ghax hawn min jahseb li billi nzommu l-kritika go fina u ma nurux fejn l-affarijiet marru hazin u ghaliex, b’daqshekk ser insahhu l-partit.

Lil dawn nirrispetta il-fehma taghhom u naghraf il-genwinita’ tal-hsieb taghhom. Naccetta il-kritika taghhom daqskemm naccetta l-inkoraggiment ta’ dawk li jghiduli li jien nesprimi sewwa dak li lilhom ikun qed ikiddhom u b’hekk nohloq kuxjenza dwar dawk il-problemi.

F’dak kollu li naghmlu ghandu jkollna biss ghan wiehed. L-ghan li l-partit laburista jiehu l-post li jixraqlu fil-gvern biex minn hemm ikun jista’ jiddefendi l-interessi tal-haddiema u ta’ dawk li jappoggjawh.

Mill-oppozizzjoni, anke jekk ikollna 49.999%, l-ebda partit politiku ma jista jwettaq xoghlu sewwa. Jekk idum fl-oppozizzjoni ghal zmien twil partit politiku jista’ jsir irrilevanti.

F’dak li naghmlu ma ghandniex inharsu lejn l-ucuh.  Inharsu lejn l-interess tal-Partit li jista’ jkun espress biss b’rebha elettorali. Ghalhekk meta nghaddu minn esperjenza bhal ma ghaddejna f’April li ghadda, specjalment jekk din tkun ir-raba’ telfa minn hamsa u meta fl-unika darba li rbahna ma ssarrfet f’xejn u zvintat sew qabel zmienha, ma jkunx sewwa li nagixxu qisu ma gara xejn.

Fil-fatt gara hafna. Niltaqa’ ma hafna minnkom kuljum. Tesprimu id-dieqa li ma tistax tmur minn qalbkom. Donnu ma nistghux nifhmu ‘l kif u ‘l ghala. Min kien qed ibati baqa jbati jew gie jbati izjed. Nisma stejjer ta’ diskriminazzjoni tal-wahx kontra laburisti. Tista’ b’kuxjenza safja tagixxi qisu ma gara xejn? Tista’ tagixxi qisu biss tlifna l-karozza tal-linja u jekk noqghodu fuq l-istage hames snin ohra nirkbu fuq il-karozza li jmiss?

Inhoss li ma nistax. Hemm hin ghal kollox. L-elezzjoni li gejja ghada 5 snin il-boghod. Ghad hemm cans sewwa nikkritikaw il-gvern u nuru kemm huwa inkompetenti u ghajjien. Izda f’din l-ewwel sena il-prijorita’ hija li nduru dawra madwarna. Li nifhmu fejn zbaljajna. Li nibnu fuq pedamenti fis-sod.

Jekk ma nibnux pedamenti sodi issa, meta fil-futur nibdew nohorgu l-istrategiji taghna mibnija fuq pedamenti zopop jigri bhal ma gralna fl-ahhar elezzjoni. Li fl-ahhar nibdew nippanikjaw. Fl-ahhar naghmlu hafna decizjonijiet mghaggla. Hafna u-turns li jcekknu flok ikattru il-fiducja tan-nies fina.

Uhud flok imeru u jargumentaw fuq dak li nghid jien jippruvaw jattribwixxu mottivi hziena. Jippruvaw joqtlu l-messaggier flok jifhmu l-messagg. Fi kliem semplici jghidu li jien qed nikkritika ghax l-gheneb qares jew ghax ghandi ghal dak jew ghall-iehor.

Min jghid hekk ghax ma jafnix. Min jafni jaf li jien ma ridtx nohrog ghall-elezzjoni. Diga kont mitlub darbtejn ohra biex nohrog fl-1996 u fl-1998 u rrifjutajt. Ghedt iva biss wara t-telfa ta’ l-1998 ghax dehrli li kienet esperjenza qarsa mmens u ma ridtx li jkolli fuq il-kuxjenza li stajt ghamilt xi haga biex ma nergghux nghaddu minnha u ma ghamiltiex. Ghedt iva b’sens ta’ dover u kontra x-xewqa tal-familja.

Flok mort nahdem fid-distrett tieghi ghal hames snin domt tlett snin inservi lill-Partit b’mod ghal kollox volontarju mmexxi s-Super One ghax fhimt li tmexxija tajba hemm kienet importanti hafna ghall-Partit. Mhux talli ma thallastx, talli ttraskurajt il-professjoni biex inservi l-Partit fejn kont mitlub.

Jien nikkritika ghax nifhem li l-Partit jehtieg jibni fuq pedamenti sodi. Min jahseb b’qalbu aktar milli b’mohhu forsi ma jifhimnix u jhares lejja bl-ikrah. Izda xoghli naghmlu. Huwa hafna aktar difficli li taghmel xoghlok milli toqghod kwiet tistenna l-krizi imbaghad twahhal f’haddiehor.

Jien ma qbiltx li galadarba l-leader kien ser jerga’ jikkontesta, l-ghazla tal-mexxejja saret qabel ma saret analizi serja tar-rizultat ta’ l-elezzjoni. Jekk dan mhux kontra l-istatut certament huwa kontra r-raguni. M’hemm xejn fl-istatut li jorbot biz-zmien ta’ meta ssir l-elezzjoni tal-leadership wara kull elezzjoni. Ma kienx ikun floku allura kieku d-delegati nghataw din l-analizi biex imbaghad mgharrfin biha, ikunu jistghu jghazlu l-mexxejja fuq il-fatti u mhux fuq l-emozzjoni?

Tkellimt u ktibt internament dwar dan u ma wasalt imkien. Tajjeb kieku dawn il-problemi jigu rizolti b’diskussjoni interna. Izda x’taghmel jekk min ikollu l-poter li jbiddel ikollu kull interess biex ma jaqbilx? Qtajt qalbi li hemm rieda tajba biex jirbah is-sens komun. Hadt biss skuzi ta’ statut u proceduri li jiskartaw is-sustanza ta’ l-argument. X’jimporta li d-decizjoni ta’ l-elezzjoni ghal leadership qabel l-analizi saret mill-ezekuttiv fuq il-bazi li l-leader mhux ser jerga’ jikkontesta? X’jimporta li nigu mgieghla niehdu decizjonijiet daqstant importanti fuq premessi hziena?

Pedamenti sodi jitolbu li ssir analizi serja li tohrog r-responsabbilitajiet ghala rebha elettorali cara ddawret f’telfa kolossali. L-uniku interess tieghi huwa rebha elettorali bhal ta’ l-1996 u tmexxija fl-interess veru ta’ pajjizna fejn il-laburisti ma jibqghux it-tfal ta’ alla izghar. Min irid iwiegeb bl-argumenti mhux bil-kalunji. Jekk ma nkunux kontabbli bejnietna, min ser jemminna li fil-gvern inkunu ahjar min-nazzjonalisti permezz ta’ tmexxija bbazata fuq kontabilita’?

Rebha elettorali ma taqax f’hogrok wehidha. Trid tahdem ghaliha wara li tibni fuq is-sod.