Sunday 29 June 2003

Diversita` u Lejalta`

Il-Kullhadd 

Il-Partit Laburista huwa partit kbir. Anke jekk mhux kbir bizzejjed biex ikun fil-gvern xorta jibqa l-fatt li huwa partit kbir li jirraprezenta minoranza qawwija hafna tal-poplu Malti.

Xoghlna huwa li naghmluh partit akbar. Partit li jkollu warajh il-magguranza assoluta tal-poplu Malti biex b’hekk nirbhu l-gvern. Ghax huwa biss mill-gvern li l-Partit jistajilhaq l-ghanijiet tieghu. Mill-oppozizzjoni ma nistghux naslu biex inwettqu dak li ghalih nezistu. Mill-oppozizzjoni nistghu biss niddefendu izda ma nistghux nattakkaw u niskurjaw. U niddefendu kemm niddefendu tajjeb, fl-ahhar naqilghu goal u nitilfu l-loghba.

Anke jekk inkunu oppozzizzjoni ta 49.9% xorta ma jkunx bizzejjed biex niehdu l-gvern. Ghal dan ghandna bzonn magguranza, xejn anqas.

Issa ilna zmien twil wisq fl-oppozizzjoni. Sa l-elezzjoni li jmiss se nkunu ghamilna 21 sena shah fl-oppozizzjoni hlief ghal intervall qasir ta’ 22 xhar bejn 1996 –1998 li issa kwazi hadd ma ghadu jiftakarahom. Min ser jivvota ghall-ewwel darba fl-elezzjoni li jmiss m’hu se jkun jaf xejn hlief gvern nazzjonalista.

Biex nigbdu warajna magguranza daqshekk wiesgha fil-partit ghandna bzonn nghozzu d-diversita’. Biex ikollok partit daqstant kbir m’huwiex possibbli li kullhadd jaqbel ma kullhadd f’kollox. L-importanti li jkun jaqbel mal-principji bazici izda fuq id-dettal tistatigi ttolerata diversitataopinjoni. Ghax biex nirbhu l-gvern irridu lil min huwa ahmar skur daqs lil min huwa roza car u maghhom irridu l-magguranza tadawk li lewnhom abjad u ohrajn li jibdlu l-kulur minn celest ghal roza skond ic-cirkustanzi.

U zgur ma rridux ninfluwenzaw ruhna meta l-media kkontrollata min-nazzjonalisti joqghodu jonfhu u jkabbar id-diversitataghna dwar dettalji u jpenguhom bhala xi firda strategika. Jekk naghmlu dan naqghu fin-nassa li jkunu nasbulna.

Ghax hija normalissima li partit kbir jittollera diversitadwar dettalji filwaqt li jitlob u jishaq dwar uniformita fuq il-principji bazici. Anke n-nazzjonalisti stess ghandhom diversita' ta opininjonijiet fuq dettalji. Hemm minnhom min huwa kaccatur daqs kemm hemm min huwa ambjentalist. Hemm min irid joqghod ghal kollox ghal li tghidilhom l-UE u hemm min irid jinnegozja aktar u jkun ezigenti izjed. Hemm min jemmen li l-UE hija s-soluzzjoni takollox u hemm min jahseb li l-UE ma ssolvi xejn u rridu nkunu ahna primarjament li nerfghu u ngorru l-piz.

Biex inshahhu id-diversitairridu noqghodu attenti li ma naghmlux zbalji bhal ma ghamilna li nghollu ghal livell taprincipji bazici affarijiet li wara niskopru li ma huma principji xejn u nkunu lesti nibdlu l-pozizzjoni taghna sempliciment biex naccettaw rejaltijiet godda li jizviluppaw mit-telfa elettorali. Il-principji bazici huma biss dawk li fil-gvern daqs kemm fl-oppozizzjoni ma jinbidlu qatt.

Jekk ntellghu ghal livell taprincipji bazici affarijiet li jkunu biss tattici, allura jigri li nohonqu d-diversita’ u nitilfu parti mill-elettorat li taf tfisser id-differenza bejn gvern u oppozizzjoni.

U f’dan il-kuntest wiehed irid jifhem il-konnessjoni bejn id-diversita’ u l-lejalta’. Jekk ser nittolleraw id-diversitabiex nghaqqdu magguranza li twassalna ghal gvern ma nistghux li kull min ma jaqbilx maghna sa lanqas dettal narawh bhallikieku qed jonqos mil-lejalta’. Ma nistghux naccettaw id-diversitajekk imbaghad inqisu l-istess diversitabhala nuqqas talejalta’.

U hawn ta’ min jipprofondixxi il-kuncett talejalta’. Meta nghidu lejaltalejn min ghandha tkun din il-lejalta’? Ghandha tkun lejaltalejn il-persuni, lejn il-Partit jew lejn in-nies komuni li huma l-gisem tal-partit li jezisti biex jiddefendi l-interessi taghhom bhala haddiema li jaqilghuha u jiekluha?

Dawn huma mistoqsijiet importanti li jehtieg li nkunu cari fuqhom jekk irridu tassew li jkollna partit haj, miftuh u li jikber biex nibdlu il-minoranza f’magguranza u biex mill-oppozizzjoni mmorru fil-gvern.

Jien nemmen li l-lejalta taghna ghandha tkun l-ewwel u qabel kollox lejn il-principji bazici tal-partit , lejn il-principju tas-socjalizmu demokratiku u l-principju tal-helsien, u dwar dan ma ghandu jkunu hemm l-ebda margni ghad-diversita’. B’hekk inkunu nistghu tassew niddefendu l-interessi tan-nies tax-xoghol li ghalihom jezisti l-Partit Laburista.

Lejlata lejn il-persuni, huma min huma, huma sekondarji ghal lejaltalejn il-Partit u l-principji bazici tieghu. Jekk le nibnu, l-kult tal-persuna li huwa kontra l-principji tas-socjalizmu demokratiku fejn is-soliderjataghandha tirbah fuq l-individwalizmu.

Mela f’kull decizjoni li niehdu ghandha nizguraw li jkun hemm lejalta lejn il-principji bazici tal-partit u mhux lejn il-persuna, u li nhallu spazju kemm jistajkun wiesgha ghad-diversita halli nghaqqdu il-magguranza ghax dan huwa l-uniku mod li nistghu tassew inwettqu il-missjoni li ghaliha nezistu. Diskorsi u aspirazzjonijiet sbieh mill-oppozizzjoni jiswew ftit li xejn jekk ma jwassluniex biex nirbhu l-gvern. Attakki fuq laburisti genwini li ma jaqblux maghna dwar dettalji li ma joffendux il-principji bazici tal-partit, jiswew ferm u ferm anqas.

No comments:

Post a Comment