Mifxul

Il-Kullhadd 

Jien nikteb hafna. Rari jkolli problema biex insib fuq x’hiex nikteb u biex nesprimi ruhi b’mod li waqt li jkattar ir-rispett lejn l-opinjoni tieghi jien nuri rispett reciproku lejn l-intelligenza tal-qarrejja.

L-aktar li nikteb huwa fil-media bl-ingliz. Hemm il-Partit ghandu deficit qawwi u jidhirli li l-prezenza tieghi hemm hija mportanti biex xi ftit dan id-deficit jonqos u lehen il-partit jasal fejn huwa importanti li jasal. Fuq bazi persunali imur ahjar min jikteb fuq il-medja bil-Malti izda dan ikattar biss il-popolarita tal-kittieb qalb il-laburisti. Lill-partit din ma tiswiehulu xejn ghalkemm tiswa’ hafna ghall-individwu. Bil-kontra il-presenza bhal tieghi fil-media bl-ingliz tifsser u tiswa’ hafna ghal partit izda qajla ggib frott lill-individwu.

Illum izda sibtha bi tqila biex nikteb dan l-artiklu. Ghax hemm hafna affarijiet li xtaqt li ma jkollix ghalfejn niktibhom. Affairjiet li nixtieq hafna li ma nghidhomx izda li ma nkunx onest mieghi innifsi u maghkom jekk jien nibqa’ nzomm is-skiet. Ghalhekk inhossni mifxul.

“Mifxul ghax qatt ma bsart li fil-Partit se nigu f’sitwazzjoni fejn nhar il-hamis irrid immur u nghazel Mexxej bejn il-Leader ezistenti u kontestanti godda.”

Mifxul ghax qatt ma bsart li fil-Partit se nigu f’sitwazzjoni fejn nhar il-hamis irrid immur u nghazel Mexxej bejn il-Leader ezistenti u kontestanti godda. Din qatt ma bsarta u qatt ma xtaqta li tigri. Ma jien inwahhal f’hadd u fl-istess him qed inwahhal f’kullhadd. Ma nafx min huwa fis-sewwa u min huwa fl-izball. Ma nafx lanqas jekk il-bicca f’ihiex sewwa jew f’ihiex zball jew ghandux ragun kullhadd jew ma ghandu ragun hadd.

Li naf hu li din il-bicca qatt ma grat fil-partit qabel u dejjem xtaqt li ma tigrix. Ghax ahna partit mibni b’mod qawwi fuq il-lejlata’ persunali lejn il-leader. Li tkun Leader tal-Partit Laburista huwa privilegg kbir ghall-individwu. Huwa post ta’ responsabbilta’ kbira li trodd lura b’mod dekoruz il-fiducja u l-lejlata’ li joffru minn qalbhom il-laburisti ta’ Malta kollha.

Jekk tridu taraw din il-lejalta harsu il-mod kif dejjem irrispondew in-nies kull meta l-partit talabhom il-fondi. Harsu lejn il-biki li naraw kull meta nsofru telfa elettorali. Hafna nies qishom qatghulhom bicca minn gisimhom. Mhux ghax kienu jistennew xi premju jew favur. Izda ghax ihobbu lill-partit, jahdmu ghall-partit u jridu jarawh fil-gvern fejn jixraqlu.

Li nippretendu mil-leaders taghna huwa li mhux biss jaqdu din il-funzjoni taghhom b’lejalta assoluta lejn il-partit u lejn il-principji laburisti, izda li huma stess jaghrfu meta jasal iz-zmien li jwarrbu ha jaghmlu spazju lill haddiehor li jista’ jmexxi ahjar.

“Ghalhekk xtaqt li jew il-leader ma johrogx u allura jsir kuntest ghal leader gdid fuq bazi aktar wiesgha jew jekk johrog il-leader ma jsirx kuntest.”

Il-Leader iddecieda fl-1 ta’ Mejju li jikkontesta wara li qabel kien iddecieda li ma jikkontestax. Ghandu dritt. Izda qajla naqbel li hu stess ihajjar lill-kontestanti ohra biex johorgu kontrih. Ma nafux kemm hi kbira il-lejalta tad-delegati lejn il-Leader? Ma nafux li kull min ikun Leader ghandu vantagg awtomatiku fuq il-kontestanti l-ohra specjalment jekk il-media tal-partit tkun thalliet ghal tlett gimghat trewwah l-emozzjonijiet tan-nies?

Mela hemm xi haga hazina. Jew hazina li l-Leader ser johrog wara zewg telfiet konsekuttivi jew hazin li ser jigi kontestat. Ma nafx liem wahda hazina. Ghandi l-opinjoni tieghi dwarha li nippreferi inzomma ghalija biex ma nidhirx li qed nimbotta li jew nostruzzjona lil xi hadd. Izda jew wahda jew ‘l ohra hazina zgur.

Qatt ma kellna Leader li gie kontestat. Il-leaders taghna meta raw li wasal iz-zmien li jmorru warrbu wahedhom. Hekk ghamlu Dom Mintoff u Karmenu Mifsud Bonnici. Meta ddecidew li jibqghu dik id-decizjoni ma gietx kontestatha. Irrispetajna il-gudizzju taghhom li jidhrilhom li fadallhom x’jaghtu lill-partit u li jistghu iwassluna ghar-rebha li ghaliha jezisti l-partit. Partit politku li ma jirbahx ma ghandux ghalfejn jezisti ghax qatt ma jista’ jilhaq l-ghanijiet tieghu. Mill-oppozzizzjoni tista biss tgerger u tikkritka imma ma tistax tohloq il-gid fl-interess tan-nies li tirraprezenta. Anke jekk tkun tirraprezneta 49% ghal dejjem ta’ dejjem.

Ghalhekk ninsab mifxul.. Ghalhekk xtaqt li jew il-leader ma johrogx u allura jsir kuntest ghal leader gdid fuq bazi aktar wiesgha jew jekk johrog il-leader ma jsirx kuntest. U jekk ghandu jsir kuntest nemmen li kien ikun ahjar li jsir, jekk hemm bzonn li jsir, wara li titlesta l-analizi ta’ x’wassal ghar-rizultat ta’ l-ahhar elezzjoni u jigu stabbiliti min ser jerfa il-htija ghal dak li gara. Ma nistghux nassumu li hadd ma ghandu htija. Li qisu ma gara xejn.